Сакате да дознаете повеќе за нас?
Почитуван посетителу,
Ти благодариме за посета на оваа страна и интересот за дознавање на повеќе иноформации за нас, за Ајденаодмор, за неговата цел и постоење, како и начинот на кој функционира.
Пред да ги обезбедиме точните одговори на прашањата, би сакале накратко да ја раскажеме нашата приказна. Да се навратиме назад и да објасниме зашто, кога и како започнавме.
1. Идеја и реализација
Идејата беше едноставна - да создадеме веб-агрегатор на туристички понуди, кој ќе им овозможи на корисниците со само неколку кликови да пребаруваат низ илјадници понуди, да направат споредба на повеќе туристички аранжмани, да добијат информација за слободните места и во секој момент да можат да го резервираат и уплатат својот летен одмор.
Потребата кај крајните корисници беше присутна. Интересот да се заштеди време при планирање и букирање на летниот одмор, беше повеќе од доволен за Ајденаодмор.мк да е посветуван и корисен во првите верзии на своето постоење.
Од друга страна, патот до реализација на идејата и постигнување на целата, не беше така едноставен, туку долг и предизвикувачки.
Со градењето на Ајденаодмор.мк, наидовме на повеќе препреки. Увидовме дека со цел да понудиме 100% точна информација за расположливи соби на крајните корисници, треба Ајденаодмор.мк да е поврзан со системите кои ги користат македонските тур-оператори при организирање на овие понуди.
Најголемата препрека ја увидовме во моментот кога дознавме дека дел од овие системи не овозможуваа поврзување, додека мал дел од тур-операторите не ни користеа веб-базирани системи.
“Прескокнувањето“ на оваа препрека траеше 5 години во кои посветено го градевме Merakzy, веб-платформа која ја користат македонските тур-оператори и туристички агенции во нивното секојдневно работење, за организација, менаџирање и продажба на понудите кои ги организираат.
Откако неколку тур-оператори успешно го користеа Merakzy во две последователни летни сезони, бевме сигурни дека системот е стабилен и спремен за ширење на секторско ниво.
Така, по аплицирање на Merakzy во повеќе од 10 тур-оператори, одлучивме дека е правиот момент за лансирање на Ајденаодмор.мк, кој сега располага со 100% точни информации за достапност на капацитети и во секој момент може да понуди на крајните корисници брзо пребарување низ термините, спроедба на понудите и букирање онлајн на летниот одмор.
Со тоа можеме да кажеме дека идејата е комплетирана, “кругот е затворен“ и пред нас следи период во кој несебично ќе помагаме на вас, посетителите на Ајденаодмор.мк, брзо, лесно и едноставно да го испланирате и букирате своето следно патување.
2. Начин на функционирање
Ајденаодмор.мк функционира на принцип на веб-агрегатор кој ги собира и прикажува сите слободни места од туристичките понуди организирани од македонските тур-оператори кој го користат системот Merakzy.
Во моментов 10 тур-оператори и 20 туристички агенции го користат Merakzy за забрзување на интерните процеси на продажба, како и на меѓусебната соработка. Тука спаѓаат агенции од сите градови во Македонија, па така на ajdenaodmor.mk многу лесно заинтересирани патници од Скопје можат да купат аранжман од туристичка агенција која се наоѓа во Битола, Кавадарци, Прилеп или обратно.
Бенефитот за патниците е што можат онлајн, преку користење на агрегаторот „Ајде на Одмор“, со само неколку кликови и со користење на неколку филтри, според нивните преференци и потреби, да пребараат низ база од илјадници аранжмани кои ќе бидат достапни онлајн и лесно и едноставно да го букираат своето следно патување.
Сите информации се синхронизирани и 100% точни благодарение на софтверската платформа Merakzy која ја користат тур-операторите.
По завршување на онлјан букирањето, аранжманот за кој уплатиле директно се пополнува во системот кој го користат агенциите. Бидејќи се работи за централизирано клауд-базирано решение кое работи нонстоп, информациите за слободни места се синхронизираат во реално време, овозможувајќи целосна точност во секој момент, со што се одбегнува ризикот од двојно букирање.
Агенциите од друга страна добиваат моќна алатка за целосно работење и дигитализирање на нивните интерни процеси, притоа заштедувајќи време и пари. Особено значајно за агенциите и тур-операторите е забрзувањето на соработката на ниво на целата продажна мрежа.
3. Безбедност на плаќање
При секое плаќање на износот за аранжманите присутни на Ајденаодмор.мк, корисникот е пренасочен кон засебна страна каде трансакцијата се процесира со користење на виртуелен терминал (VPOS) од страна на CASYS системот за онлајн плаќање, во соработка со Комерцијална Банка АД Скопје.
Информациите од платежните картички во ниту еден момент не се достапни за Ајденаодмор.мк (М-БУКИНГ СОФТ ДОО).
4. Повеќе информации
Доколку имате повеќе прашања, посетете ја страната Често Поставувани Прашања или контактирајте не преку емаил на Send email или преку нашите фан страни на Facebook или Instagram